Condolence Message by H.H IGNATIUS ZAKA Ist........ Read
കൊച്ചി: മന്ത്രിയും മികച്ച സാമാജികനുമെല്ലാമായി നാല് ദശാബ്ദത്തിലധികം, രാഷ്ട്രീയമണ്ഡലത്തില് നിറസാന്നിധ്യമായിരുന്ന അന്തരിച്ച ടി.എം. ജേക്കബിന് ഇന്ന് കേരളം യാത്രാമൊഴിയേകും. രാവിലെ പത്തിന് മന്ത്രി ടി.എം. ജേക്കബിന്റെ തറവാടായ കൂത്താട്ടുകുളം വാളിയപ്പാടം താണികുന്നേല് വീട്ടില് ശവസംസ്കാര ശുശ്രൂഷകള് ആരംഭിക്കും. ശ്രേഷ്ഠ കാതോലിക്ക ബസേലിയോസ് തോമസ് പ്രഥമന് ബാവയുടെ മുഖ്യകാര്മികത്വത്തില് നടക്കുന്ന ചടങ്ങുകള്ക്ക് സഭയിലെ മുഴുവന് മെത്രാപ്പോലീത്തമാരും സഹകാര്മികരാവും.തുടര്ന്ന് ഇടവക പള്ളിയായ ആട്ടിന്കുന്ന് സെന്റ് മേരീസ് യാക്കോബായ പള്ളിയിലേക്ക് മൃതദേഹം വിലാപയാത്രയായി കൊണ്ടുപോകും. ദേവാലയത്തില് നടക്കുന്ന ശുശ്രൂഷകള്ക്ക് വൈദികശ്രേഷ്ഠര് നേതൃത്വം നല്കും. സംസ്ഥാന സര്ക്കാരിന്റെ പൂര്ണ ഔദ്യോഗിക ബഹുമതികളോടെയാണ് ശവസംസ്കാരച്ചടങ്ങ് നടക്കുന്നത്. മുഖ്യമന്ത്രി ഉമ്മന്ചാണ്ടി ഉള്പ്പെടെ മുഴുവന് മന്ത്രിമാരും വിവിധ വകുപ്പ് മേധാവികളും ചടങ്ങിനെത്തും.
No comments:
Post a Comment